मुंबई: लाडक्या बहिणींसाठी मोठा दिलासा! मुख्यमंत्री माझी लाडकी बहीण योजनेतील ऑगस्ट महिन्याचा सन्मान निधी आता वितरणाला सुरुवात झाली आहे. मंत्री आदिती तटकरे यांनी ट्विट करत सर्व पात्र लाभार्थी महिलांना आजपासून निधी मिळवण्याची प्रक्रिया सुरू असल्याची माहिती दिली.
या योजनेअंतर्गत ज्या कुटुंबांचे वार्षिक उत्पन्न अडीच लाख रुपयांपेक्षा कमी आहे अशा महिलांना दर महिन्याला दीड हजार रुपये मिळतात. या योजनेची अटी लक्षात घेता, 65 वर्षांपेक्षा जास्त वयाच्या महिलांना किंवा एका कुटुंबातील दोनहून अधिक महिलांना लाभ मिळणार नाही. याशिवाय काही महिलांनी अटीत न बसताही लाभ घेतल्याचे आढळल्यास त्यांचे नाव योजनेतून वगळण्याची प्रक्रिया सुरू आहे.
मंत्री आदिती तटकरे म्हणाल्या, “मुख्यमंत्री माझी लाडकी बहीण योजना महिला सक्षमीकरणाची अखंड क्रांती आहे. लवकरच सर्व पात्र लाभार्थ्यांच्या बँक खात्यात सन्मान निधी जमा केला जाईल.”
यामुळे लाभार्थी महिलांना आर्थिक मदतीचा मोठा दिलासा मिळाला असून, ही योजना महाराष्ट्रातील महिला सक्षमीकरणासाठी महत्त्वपूर्ण पाऊल ठरली आहे.
READ ALSO :https://ajinkyabharat.com/deepak-kedrani-both-munde-jangabdar-tharavanyacha-gesture/
