मुंडगाव (प्रतिनिधी): अकोट तालुक्यातील संत नगरी म्हणून ओळखल्या जाणाऱ्या मुंडगावमध्ये सुपिनाथ महाराज शिव संस्थानच्या वतीने गणेश उत्सवात जमा झालेले निर्माल्य रथाव्दारे पूर्णा नदीच्या पाण्यात सुरक्षित विसर्जन करण्यात आले.
६ सप्टेंबर रोजी संपुर्ण गावातून फिरविलेल्या रथात गावातील सर्व निर्माल्य एकत्र करून, कोणत्याही ठिकाणी विस्कळीत न होता नदीत टाकले गेले. यामुळे पर्यावरणास सुद्धा नुकसान टाळले गेले आणि धार्मिक उत्सवाची पारंपरिक पद्धत जपली गेली.
सदर निर्माल्य रथ शिवशक्ती महिला मंडळच्या वतीने आयोजित केला होता. या कार्यक्रमात सुपिनाथ महाराज शिव संस्थानचे अध्यक्ष गजानन वारकरी, विजय आखरे, सरपंच तुषार पाचकोर, तसेच वासुदेवराव लहाने, लक्ष्मणराव भारसाकळे, सदाशिव खरपकार, सुदर्शन खडसने, विनायक फुसे, गजानन येवतकर, गणेश आसोले, सागर राऊत, तसेच महिला मंडळाचे पदाधिकारी आणि कार्यकर्ते** उपस्थित होते.
यंदाचा निर्माल्य रथ धार्मिक परंपरा जपत, गावकऱ्यांसह सहभागी उत्सवामध्ये पारदर्शकता आणि पारंपरिकतेचे प्रतीक ठरला.
