घरात जास्तीत जास्त किती रोकड ठेवू शकता ?

आयकर विभागाचं स्पष्ट उत्तर आजच्या डिजिटल

युगात जवळपास सर्व व्यवहार ऑनलाईन होत आहेत.

वीजेचं बील, मोबाईल रिचार्ज, कर भरणे, खरेदीविक्री यासाठी

लोक ऑनलाईन पद्धतीवरच अवलंबून असतात.

तरीदेखील काही व्यवहार असे असतात की, जिथे लोकांना रोकडचीच गरज भासते.

त्यामुळे अनेक जण घरात रोकड स्वरूपात पैसे ठेवतात.

मात्र प्रश्न असा पडतो की, घरात किती रोकड ठेवण्याची परवानगी आहे?

यावर कोणतं कायदेशीर बंधन आहे का?

आयकर विभागानुसार घरात किती रोकड ठेवावी यावर कोणतीही मर्यादा नाही.

म्हणजे तुम्ही तुमच्या घरात कितीही रोकड ठेवू शकता.

मात्र ही रक्कम वैध स्त्रोतांमधून आलेली आहे,

हे सिद्ध करता आलं पाहिजे.

जर आयकर विभागाकडून अचानक छापा टाकला गेला,

तर घरात सापडलेल्या रोकड रकमेबाबत तुम्हाला योग्य स्पष्टीकरण द्यावं लागतं.

एवढे पैसे तुमच्याकडे कुठून आले, कशातून आले,

याचा स्रोत सांगणे आवश्यक आहे. पैशांचा स्त्रोत जर वैध असल्याचं सिद्ध झालं,

तर विभागाकडून कोणतीही कारवाई केली जात नाही.

पण पैशांचा स्त्रोत दाखवता आला नाही,

तर मात्र मोठ्या अडचणींना सामोरे जावं लागू शकतं.

घरात रोकड ठेवण्यावर कोणताही बंदी घालणारा नियम नाही.

पण रोकड जर अनधिकृत स्रोतांमधून आलेली असेल आणि तिचं स्पष्टीकरण देता आलं नाही,

तर आयकर विभागाकडून कारवाई होण्याची शक्यता नक्कीच असते.

त्यामुळे कितीही रोकड ठेवा,

पण तिचा स्रोत स्पष्ट आणि वैध असणं हेच महत्त्वाचं आहे.

Live TV