मेहकर -मेहकरचे आमदार सिद्धार्थ खरात यांची संत गाडगेबाबा अमरावती विद्यापीठाच्या
सिनेट सदस्यपदी नियुक्ती करण्यात आली आहे.
महाराष्ट्र सार्वजनिक विद्यापीठ अधिनियम २०२० मधील कलम २८(१)(w) अन्वये
विधानसभेचे अध्यक्षांना दोन विधानसभा सदस्यांची नियुक्ती करण्याचा अधिकार आहे.
त्यानुसार विधानसभा अध्यक्ष राहूल नार्वेकर यांनी आमदार खरात यांची नियुक्ती केली आहे.
विशेष म्हणजे, आमदार खरात हे मंत्रालयातील उच्च व तंत्र शिक्षण विभागात सहसचिव असताना
सन २०१५-१६ मध्ये पारित झालेल्या महाराष्ट्र सार्वजनिक विद्यापीठ अधिनियम २०१६ च्या
निर्मितीत त्यांचा मोलाचा सहभाग होता. या अधिनियमातून शिक्षण,
उच्च शिक्षण, कौशल्य विकास शिक्षण आणि रोजगाराभिमुख शिक्षणासंबंधी
महत्त्वपूर्ण तरतुदी करण्यात आल्या आहेत.
प्रत्यक्ष कायदा करणारे अधिकारी आमदार म्हणून विद्यापीठाच्या सिनेटवर आल्याने
शिक्षण क्षेत्रात होणाऱ्या बदलांकडे सर्वांचे लक्ष लागले आहे.
आमदार सिद्धार्थ खरात यांच्या या नियुक्तीचे विविध स्तरांतून स्वागत होत असून,
शिक्षण क्षेत्रात त्यांच्याकडून नवे मार्गदर्शन मिळेल, अशी अपेक्षा व्यक्त केली जात आहे.
Read also :https://ajinkyabharat.com/akola-mahapalikel-clerk-ravi-avthankar-300-rupees/
