यवतमाळ (दारव्हा) : दारव्हा-नेर मार्गालगत सुरू असलेल्या रेल्वे पुलाच्या बांधकामाच्या खड्ड्यात बुडून चार निष्पाप बालकांच
मृत्यू झाल्याची हृदयद्रावक घटना बुधवारी सायंकाळी घडली. या घटनेने संपूर्ण दारव्हा शहर शोकमग्न झाले आहे.
मृत बालकांमध्ये —
रीहान असलम खान (१३)
गोलू पांडुरंग नारनवरे (१०)
सोम्या सतीश खडसन (१०)
वैभव आशीष बोधले (१४)
यांचा समावेश आहे. हे सर्व दारव्हा येथील रहिवासी होते.
काय घडलं?
वर्धा-यवतमाळ-नांदेड या महत्त्वाकांक्षी रेल्वेमार्गाचे काम दारव्हा शहरालगत सुरू आहे.
पुलासाठी मोठे खड्डे खोदले असून पावसामुळे ते पाण्याने तुडुंब भरले आहेत.
या खड्ड्यांभोवती कोणतेही सुरक्षा कवच वा चेतावणी फलक नसल्याचे उघड झाले आहे.
दुपारी काही मुले पोहण्यासाठी या खड्ड्यात उतरली. मात्र, पाण्याची खोली जास्त असल्याने ते बुडाले.
नागरिकांनी तातडीने मदत करून त्यांना बाहेर काढून दारव्हा उपजिल्हा रुग्णालयात दाखल केले.
पुढे त्यांना यवतमाळच्या संजीवनी रुग्णालयात हलवण्यात आले, पण डॉक्टरांनी चौघांनाही मृत घोषित केले.
प्रशासनाविरोधात संताप
या घटनेची माहिती मिळताच जिल्हाधिकारी व पोलीस अधीक्षक रुग्णालयात दाखल झाले.
परंतु, स्थानिक नागरिकांनी रेल्वे प्रशासनाविरोधात तीव्र संताप व्यक्त केला आहे.
बांधकाम सुरू असतानाही सुरक्षा उपाययोजना न केल्यानेच हा अपघात घडल्याचा आरोप होत असून, जबाबदारांवर कारवाईची मागणी सुरू झाली आहे.
शहरात हळहळ
या दुर्घटनेने दारव्हा शहर शोकाकुल झाले असून, रेल्वे बांधकाम स्थळांवर सुरक्षा उपाययोजना तातडीने कराव्यात अशी जोरदार मागणी नागरिक करत आहेत.
Read also : https://ajinkyabharat.com/varshaar-raj-thackeray-fadnavisanchi-bhat/
