अकोल्यात बांगलादेशी नागरिकांचा अवैध वावर? किरीट सोमय्यांचा गंभीर आरोप
रामदासपेठ पोलीस ठाण्यात 80 जणांविरोधात तक्रार दाखल, पोलिस कारवाईला सज्ज
Related News
अकोट ग्रामीण पोलीसांची जलद कारवाई – विनयभंग प्रकरणातील आरोपीविरोधात २४ तासांत दोषारोपपत्र दाखल
शिवसेना (उबाठा) मध्ये नेतृत्वबदलामुळे पक्षातील अंतर्गत कलह आणखी गडद होणार
दोन कोटी विस लाखां च्या नावाखाली रुग्णसेवकाला सायबर गुंड्याकडून गंडवण्याचा प्रयत्न
शाळांचे परिसर एका महिन्यात तंबाखूमुक्त करण्याचे आदेश
अतिक्रमण हटाव मोहीम का फक्त दुर्बळांवरच? अपंगाचे दुकान तोडले –
जुन्या वादातून दोन गटात झालेल्या शस्त्रास्त्र हाणामारी
अकोल्यात विविध मागण्यांसाठी आज धरणे आंदोलन करणाऱ्यात आले
नवी दिल्लीतील भारत मंडपममध्ये पार पडलेल्या राष्ट्रीय पुरस्कार सोहळ्यात केंद्रीय वाणिज्य व उद्योग मंत्री पीयूष गोयल
अखेर कातखेड,पिंपळखुटा गावात रस्त्याच्या कामाला सुरुवात
शेलुबाजार आरोग्य केंद्रात क्षयरुग्ण तपासणी शिबिर; डिजिटल एक्स-रेद्वारे ८७ संशयितांची तपासणी
पार्डी ताड–पिंपळखुटा रस्ता सहा महिन्यांतच खड्ड्यात! मुख्यमंत्री ग्राम सडक योजनेवर प्रश्नचिन्ह
अखेर लेखी आश्वासनाने उपोषणाची मांघार!
अकोला, दि. ६ – अकोला शहरात मोठ्या प्रमाणावर बांगलादेशी नागरिक अवैधरित्या राहत असल्याचा गंभीर आरोप भाजप नेते किरीट सोमय्या यांनी केला आहे.
सोमय्या यांनी यापूर्वीच 12 जणांविरोधात तक्रार केली होती, ज्यामधून दोन जणांना अटक करण्यात आली.
मात्र, आज त्यांनी नव्या तक्रारीसह तब्बल 80 संशयितांची यादी पोलिसांना सादर केली आहे.
रामदासपेठ पोलीस ठाण्यात सोमय्या यांनी दिलेल्या तक्रारीवर FIR दाखल करण्यात आला असून, यासोबतच 80 पुरावेही पोलिसांना सुपूर्द करण्यात आले आहेत.
बनावट आधार कार्ड व जन्म दाखल्याचा घोटाळा? सोमय्या यांनी आरोप केला आहे की, तहसीलदार कार्यालयाच्या मदतीने बेकायदेशीररित्या
बनावट आधार कार्ड व जन्म दाखले तयार करून बांगलादेशी नागरिकांना भारतात स्थायिक केले जात आहे.
यामध्ये काही शासकीय अधिकारीही सामील असल्याचा दावा त्यांनी केला आहे.
फॉरेन्सिक ऑडिटर नेमण्याचा इशारा या प्रकरणाच्या सखोल चौकशीसाठी फॉरेन्सिक ऑडिटर नेमण्याचा अधिकार पोलिसांना दिला जाईल,
असेही सोमय्या यांनी स्पष्ट केले. जर जिल्हाधिकारी व इतर अधिकारी योग्य कारवाई करत नसतील, तर त्यांच्यावरही कठोर कारवाई केली जाईल, असा इशाराही त्यांनी दिला.
काही तहसीलदार जाणार थेट जेलमध्ये – किरीट सोमय्या
सोमय्या यांनी स्पष्ट शब्दांत सांगितले की, “बनावट कागदपत्रांची निर्मिती तहसीलदारांच्या मदतीशिवाय शक्य नाही. यामुळे काही तहसीलदार लवकरच जेलमध्ये जातील.”
त्यांनी जिल्हाधिकाऱ्यांवरही टीका करत सांगितले की, “जर त्यांनी गांभीर्याने काम केले नाही, तर त्यांनाही सोडणार नाही.”
पुढील तपास सुरू दरम्यान, या प्रकरणी जिल्हाधिकारी कार्यालयाच्या वतीने शाळांमधील नोंदींची तपासणी सुरू आहे.
मात्र, या तपासणीबाबतही शंका व्यक्त करत जिल्हाधिकाऱ्यांनी योग्य तपास करावा, अन्यथा त्यांनाही उत्तर द्यावे लागेल, असा इशारा सोमय्या यांनी दिला आहे.
या प्रकरणात आता काय कारवाई होते, हे पाहणे महत्त्वाचे ठरणार आहे. अकोला पोलिसांनी सोमय्या यांच्या तक्रारीनुसार कठोर पावले उचलण्याचे मान्य केले आहे.
अधिक बातम्या करीता भेट द्या : https://ajinkyabharat.com/patur-yethil-ayurveda-rugnalaya-comes-arogya-yojnechya-charate/
