CBI एका कॉलने बिघडवला ‘मॅडम’चा खेळ!
नवीन वर्षाच्या पहिल्याच दिवशी CBI चा मोठा धमाका; कोट्यवधींच्या लाचखोरी प्रकरणात आयआरएस अधिकारी गजाआड नवीन वर्षाची सुरुवात जिथे सर्वसामान्य नागरिकांसाठी आनंद, उत्साह आणि नव्या अपेक्षांनी भरलेली असते, तिथेच 2026 च्या पहिल्याच दिवशी केंद्रीय अन्वेषण विभागाने (CBI) भ्रष्टाचाराविरोधात मोठी आणि धक्कादायक कारवाई करत प्रशासकीय वर्तुळात खळबळ उडवून दिली. एका रेकॉर्ड केलेल्या फोन कॉलमुळे आयआरएस अधिकारी आणि झाशी रेंजच्या CGST उपायुक्त प्रभा भंडारी यांचा संपूर्ण काळा खेळ उघडकीस आला आणि त्यांना कोट्यवधी रुपयांच्या लाचखोरी प्रकरणात अटक करण्यात आली.
“मॅडम, पैसे मिळाले आहेत…” “ठीक आहे, ते गोल्डमध्ये बदला…” या एका संवादानेच नव्या वर्षाच्या पहिल्या दिवशी देशभरात मोठा धमाका केला.
1.5 कोटींची डील, 60–70 लाखांचा पहिला हप्ता
CBI च्या माहितीनुसार, प्रभा भंडारी यांच्यावर कर चुकवेगिरीचं प्रकरण मिटवून देण्यासाठी एका फर्म मालकाकडून 1.5 कोटी रुपयांची लाच मागितल्याचा गंभीर आरोप आहे. या डीलनुसार, पहिल्या टप्प्यात 60 ते 70 लाख रुपये देण्याचं ठरलं होतं.
या व्यवहारासाठी प्रभा भंडारी यांच्या अधिनस्त असलेले दोन सुप्रिटेंडेंट्स थेट व्यापाऱ्याच्या संपर्कात होते. लाच स्वीकारण्यापासून ते ती रक्कम पुढे पोहोचवण्यापर्यंत संपूर्ण यंत्रणा कार्यरत होती.
एका कॉलमुळेच पर्दाफाश
या प्रकरणातील सर्वात धक्कादायक बाब म्हणजे, एका फोन कॉलमुळेच सीबीआयच्या हाती संपूर्ण सिंडिकेट लागलं.
सीबीआय काही काळापासून या टोळीवर पाळत ठेवून होती आणि आरोपींचे कॉल रेकॉर्ड केले जात होते.
ठरल्याप्रमाणे लाच स्वीकारल्यानंतर, एका सुप्रिटेंडंटने प्रभा भंडारी यांना फोन करून माहिती दिली की,
“मॅडम, मिळाले सापडले आहेत.”
त्यावर प्रभा भंडारी यांनी दिलेलं उत्तर CBI साठी निर्णायक ठरलं, “ठीक आहे, ते पैसे सोन्यात बदला आणि मला द्या.” nरोख रक्कम बाळगण्याऐवजी सोन्यात रूपांतर केल्यास ती सहज लपवता येईल, असा त्यांचा अंदाज होता. मात्र, हा संवाद सीबीआय रेकॉर्ड करत आहे, याची त्यांना कल्पनाही नव्हती.
सोन्यात रूपांतराचा प्रयत्न आणि CBI चा सापळा
लाच म्हणून मिळालेल्या रकमेचं सोन्यात रूपांतर करण्याचा प्रयत्न सुरू होताच सीबीआयने सापळा रचला. योग्य क्षणी छापा टाकत प्रभा भंडारी यांना रंगेहाथ अटक करण्यात आली. ही कारवाई इतकी अचूक आणि नियोजनबद्ध होती की, आरोपींना पळण्याची किंवा पुरावे नष्ट करण्याची संधीच मिळाली नाही.
एकाच वेळी झाशी, दिल्ली, ग्वाल्हेरमध्ये छापे
अटकेनंतर लगेचच सीबीआयच्या विविध पथकांनी
झाशी,
दिल्ली,
ग्वाल्हेर
येथील प्रभा भंडारी आणि त्यांच्या निकटवर्तीयांच्या घरांवर आणि ठिकाणांवर एकाच वेळी छापे टाकले.
या छापेमारीत जे सापडलं, ते पाहून तपास अधिकाऱ्यांनाही धक्का बसला.
छापेमारीत काय सापडलं?
सीबीआयच्या प्राथमिक माहितीनुसार, छापेमारीदरम्यान
सुमारे 9 कोटी रुपयांची रोख रक्कम
मोठ्या प्रमाणात सोनं आणि चांदी
महागडे दागिने
दिल्ली व अन्य शहरांतील कोट्यवधींच्या मालमत्तेची कागदपत्रे
लॅपटॉप, मोबाईल फोन
डायऱ्या आणि नोंदवही
जप्त करण्यात आल्या आहेत.
या डायऱ्यांमध्ये विविध कंपन्यांकडून घेतलेल्या लाचेचे हिशोब लिहिले असल्याचा संशय सीबीआयला आहे.
कार्यालय आणि घर सील
सीबीआयने प्रभा भंडारी यांचं
झाशी येथील कार्यालय
निवासस्थान
सील केलं असून, सर्व डिजिटल डेटा फॉरेन्सिक तपासणीसाठी पाठवण्यात आला आहे.
पूर्ण सिंडिकेट उघडकीस
या प्रकरणात प्रभा भंडारी या मुख्य सूत्रधार असल्याचं स्पष्ट झालं असलं, तरी त्यांच्या हाताखाली एक संपूर्ण भ्रष्टाचाराचं नेटवर्क कार्यरत होतं, हे तपासात समोर आलं आहे.
आतापर्यंत
दोन CGST सुप्रिटेंडेंट्स
एक फर्म मालक
एक वकील (मध्यस्थ)
यांना अटक करण्यात आली आहे.
हे सर्वजण व्यापाऱ्यांशी संपर्क, व्यवहाराची बोलणी आणि पैसे वळवण्याचं काम करत होते.
भ्रष्टाचार प्रतिबंधक कायद्यांतर्गत गुन्हे
सर्व आरोपींवर भ्रष्टाचार प्रतिबंधक कायदा तसेच अन्य गंभीर कलमांखाली गुन्हे दाखल करण्यात आले आहेत. सीबीआय आता या प्रकरणात आणखी मोठी नावे समोर येण्याची शक्यता व्यक्त करत आहे.
प्रशासकीय वर्तुळात खळबळ
नवीन वर्षाच्या पहिल्याच दिवशी झालेल्या या कारवाईमुळे
कर विभाग
प्रशासकीय यंत्रणा
राजकीय वर्तुळ
यामध्ये मोठी खळबळ उडाली आहे.
एका वरिष्ठ आयआरएस अधिकाऱ्याचं नाव अशा प्रकारे लाचखोरीत अडकणं ही संपूर्ण व्यवस्थेसाठी गंभीर बाब मानली जात आहे.
CBI चा स्पष्ट संदेश
या कारवाईद्वारे सीबीआयने स्पष्ट संदेश दिला आहे की, “भ्रष्टाचार कितीही उच्च पातळीवरचा असो, तो सहन केला जाणार नाही.” नवीन वर्षाच्या पहिल्याच दिवशी झालेली ही कारवाई अनेकांसाठी इशारा मानली जात आहे.
एका फोन कॉलने प्रभा भंडारी यांचं सगळं गणित बिघडवलं. सत्तेचा गैरवापर, लाचखोरी आणि संपत्ती जमवण्याचा हा खेळ अखेर सीबीआयच्या सर्जिकल स्ट्राईकसमोर टिकू शकला नाही.
2026 च्या पहिल्याच दिवशी झालेली ही अटक देशभरात चर्चेचा विषय ठरली असून, ‘भ्रष्टाचाराविरुद्ध शून्य सहनशीलता’ या धोरणाचा ठोस दाखला मानली जात आहे.
