Ajit Pawar Plane Crash : अपघाताआधी क्रूचे शेवटचे शब्द समोर, क्षणात सगळं संपलं
बारामती येथे झालेल्या भीषण विमान अपघाताने संपूर्ण महाराष्ट्रच नव्हे, तर देश हादरून गेला आहे. या दुर्घटनेत महाराष्ट्राचे उपमुख्यमंत्री अजित पवार यांच्यासह पाच जणांचा दुर्दैवी मृत्यू झाला. अपघातानंतर अनेक प्रश्न उपस्थित झाले असून, आता या विमान अपघाताआधी विमानातील क्रूने शेवटचे शब्द काय उच्चारले, याबाबतची धक्कादायक माहिती समोर आली आहे. डायरेक्टरेट जनरल ऑफ सिव्हिल एव्हिएशन (DGCA) च्या वरिष्ठ अधिकाऱ्यांनी दिलेल्या माहितीनुसार, अपघाताआधी कॉकपिटमधील शेवटच्या संभाषणात ‘Oh Sh*t…’ असे शब्द ऐकू आले.
बारामतीतील भीषण अपघात
मुंबईहून बारामतीकडे निघालेलं हे खासगी लिअरजेट विमान लँडिंगसाठी बारामती विमानतळाच्या दिशेने येत होतं. विमानात उपमुख्यमंत्री अजित पवार यांच्यासह पायलट कॅप्टन सुमित कपूर, को-पायलट कॅप्टन शांभवी पाठक, सुरक्षा अधिकारी विदिप जाधव आणि फ्लाइट अटेंडंट पिंकी माळी असे पाच जण उपस्थित होते. लँडिंगच्या प्रक्रियेदरम्यान हे विमान रनवेच्या थ्रेशोल्डच्या आधीच कोसळलं.
DGCA च्या माहितीनुसार, विमान एअरपोर्ट बाऊंड्रीच्या आतच कोसळलं. जमिनीवर आदळताच विमानाला तात्काळ आग लागली आणि काही क्षणांतच आगीच्या ज्वाळांनी संपूर्ण विमानाला वेढा घातला.
Related News
मोठी घडामोड! रुपाली चाकणकरांना राजीनाम्याचे आदेश? भोंदूबाबा प्रकरण तापलं
31 मार्चपूर्वी थकबाकी वसुलीवर भर; संचालक राजेंद्र पवारांचे स्पष्ट निर्देश
CCTV Video : छत्रपती संभाजीनगरमध्ये ‘बिबट्या’च्या अफवेने खळबळ; व्हायरल व्हिडीओमागचं सत्य समोर
पुण्यातील मित्रांचा प्रवास दुःखात संपला; कोटा एक्सप्रेसवेवर 3 जणांचा मृत्यू
खापरखेड़ा थर्मल पॉवर प्रकल्पात आग , बॉम्ब धमकीमुळे सुरक्षा तातडीने वाढवली; सोशल मीडियावर व्हायरल व्हिडिओ
दहशतवादी हल्ल्यात वडिलांचा मृत्यू; मुलगी आसावरी जगदाळे यांना पुणे महापालिकेत प्रशासकीय अधिकारी पदाची नोकरी
यवतमाळात धक्कादायक घटना: माकडासाठी झाडलेलं इंजेक्शन नागरिकालाच लागलं, वन विभागावर प्रश्नचिन्ह
अकोल्यात राजकीय धक्का! मंगेश काळे आणि चार नगरसेवक शिंदे गटात सामील
एकनाथ शिंदेंनंतर उदय सामंत दिल्ली दौऱ्यावर; शिवसेना शिंदे गटात राजकीय चर्चेला उधाण
डोंबिवलीत खेळताना चिमुरड्यावर काळाचा घाला, इलेक्ट्रिक फिडरला स्पर्श झाल्याने 7 वर्षीय मुलाचा मृत्यू
नवी मुंबईतील मोसारे गावात स्फोटक साठ्यामुळे भीतीचे वातावरण
Bee Attack : अंत्यसंस्कारासाठी जमलेल्या ग्रामस्थांवर मधमाशांचा अचानक हल्ला, मृतदेह तसाच सोडून पळापळ; चंद्रपूर, जळगाव, नंदुरबारमध्ये अनेक जखमी
शेवटचे शब्द आणि क्षणांत घडलेली दुर्घटना
DGCA च्या वरिष्ठ अधिकाऱ्यांनी दिलेल्या माहितीनुसार, कॉकपिट व्हॉइस रेकॉर्डरमध्ये (CVR) अपघाताआधी क्रूच्या शेवटच्या संभाषणातील काही सेकंद रेकॉर्ड झाले आहेत. त्यामध्ये ‘Oh Sh*t…’ असे शब्द स्पष्टपणे ऐकू येतात. त्यानंतर काहीच सेकंदांत विमानाचा संपर्क तुटला आणि भीषण अपघात झाला.
हे शब्द ऐकूनच परिस्थिती किती गंभीर आणि अचानक बिघडली होती, याचा अंदाज बांधला जात आहे. नेमक्या त्या क्षणी विमानातील क्रूने कोणता धोका ओळखला, विमानावर नियंत्रण का राहिलं नाही, हे प्रश्न आता तपासाचा केंद्रबिंदू ठरले आहेत.
लँडिंगचा दुसरा प्रयत्न ठरला अपयशी
फ्लाइट ट्रॅकिंग वेबसाइट Flightradar24 नुसार, या विमानाने लँडिंगसाठी दुसरा प्रयत्न केला होता. पहिल्या प्रयत्नानंतर विमानाने पुन्हा उंची घेतली आणि दुसऱ्यांदा लँडिंग करण्याचा प्रयत्न केला. मात्र हा दुसरा प्रयत्नही अयशस्वी ठरला.
DGCA अधिकाऱ्यांनी सांगितलं की, दुसऱ्या प्रयत्नादरम्यान विमानाने अचानक नियंत्रण गमावलं. काही क्षणांतच विमान धावपट्टीपासून थोड्याच अंतरावर खाली कोसळलं.
आगीचे ज्वाळा आणि स्फोटांचे आवाज
प्रत्यक्षदर्शींनी दिलेल्या माहितीनुसार, विमान जमिनीवर आदळताच भीषण स्फोट झाला. त्यानंतर एकामागोमाग एक चार ते पाच स्फोटांचे आवाज ऐकू आले. आगीच्या ज्वाळा आकाशात उंच झेपावत होत्या. आसपासच्या शेतात काम करणारे शेतकरी आणि स्थानिक नागरिक हे दृश्य पाहून भयभीत झाले.
घटनास्थळी काही क्षणांतच धुराचे लोट पसरले. विमान पूर्णपणे जळून खाक झालं होतं. अपघात इतका भीषण होता की, कोणालाही वाचवण्याची संधी मिळाली नाही.
बारामती एअरपोर्टवरील ग्राऊंड कंट्रोल
बारामती विमानतळावरील ग्राऊंड कंट्रोल सिस्टिम ही शहरातील दोन खासगी एव्हिएशन अकॅडमी – Redbird Aviation आणि Carver Aviation यांच्या पायलट कॅडेट्सद्वारे सांभाळली जाते. DGCA कडून याबाबतही तपास करण्यात येत आहे.
ग्राऊंड कंट्रोलकडून योग्य मार्गदर्शन झालं होतं का, लँडिंगच्या वेळी पायलट्सना कोणत्या सूचना देण्यात आल्या, याचाही तपासाचा भाग असणार आहे.
DGCA कडून सखोल तपास
DGCA अधिकाऱ्यांच्या म्हणण्यानुसार, विमान धावपट्टीपासून अत्यंत कमी अंतरावर कोसळलं. मात्र विमान अचानक नियंत्रणाबाहेर का गेलं, हे अद्याप स्पष्ट नाही. लँडिंगच्या वेळी हवामानाची स्थिती, वाऱ्याचा वेग, रनवेची अवस्था आणि पायलटने घेतलेले निर्णय – या सर्व बाबींचा सखोल अभ्यास केला जात आहे.
ब्लॅक बॉक्समधील फ्लाइट डेटा रेकॉर्डर (FDR) आणि कॉकपिट व्हॉइस रेकॉर्डर (CVR) च्या आधारे अपघाताच्या शेवटच्या काही मिनिटांचं बारकाईने विश्लेषण केलं जाणार आहे.
अजित पवार यांना अखेरचा निरोप
दरम्यान, आज बारामतीतील विद्या प्रतिष्ठानच्या मैदानावर अजित पवार यांच्या पार्थिवावर शासकीय इतमामात अंत्यसंस्कार करण्यात आले. दादांना अखेरचा निरोप देण्यासाठी विराट जनसमुदाय उपस्थित होता. हजारो नागरिक, कार्यकर्ते आणि नेते यावेळी भावूक झाले होते.
‘अजितदादा अमर रहें’च्या घोषणांनी संपूर्ण परिसर दुमदुमून गेला. त्यांच्या अकाली जाण्याने राजकीय क्षेत्रातच नव्हे, तर सामान्य जनतेच्या मनातही मोठी पोकळी निर्माण झाली आहे.
राज्यावर शोककळा
या भीषण विमान अपघाताने संपूर्ण महाराष्ट्रावर शोककळा पसरली आहे. राज्याचे उपमुख्यमंत्री अजित पवार यांच्यासह कर्तव्यदक्ष पायलट, सहवैमानिक आणि इतर क्रू मेंबर्स यांचा एकाच दुर्घटनेत मृत्यू होणं ही राज्यासाठीच नव्हे, तर देशासाठीही अपूरणीय हानी मानली जात आहे. अजित पवार हे केवळ एक अनुभवी राजकारणी नव्हते, तर जनतेशी थेट नातं जोडणारे, निर्णयक्षम आणि प्रभावी नेतृत्व होते. त्यांच्या अकाली निधनाने महाराष्ट्राच्या राजकारणात मोठी पोकळी निर्माण झाली आहे.
त्याचवेळी आपल्या कर्तव्यावर असताना प्राण गमावलेले पायलट आणि क्रू मेंबर्स हे देखील तितकेच महत्त्वाचे होते. सुरक्षित प्रवास घडवून आणण्याची जबाबदारी सांभाळणाऱ्या या सर्वांनी अखेरपर्यंत आपलं कर्तव्य निभावलं. या अपघातानंतर राज्यभरातून तसेच देशाच्या विविध भागांतून शोक व्यक्त केला जात आहे. सर्वसामान्य नागरिकांपासून राजकीय नेत्यांपर्यंत प्रत्येकाच्या मनात हळहळ व्यक्त होत आहे. आता या अपघाताचं नेमकं कारण काय, लँडिंगदरम्यान नेमकं काय घडलं आणि ही दुर्घटना टाळता आली असती का, याकडे संपूर्ण देशाचं लक्ष लागलं आहे. तपासातून सत्य समोर येण्याची अपेक्षा व्यक्त केली जात आहे.
DGCA चा तपास पूर्ण झाल्यानंतरच या दुर्घटनेमागचं सत्य समोर येईल. मात्र ‘Oh Sh*t…’ हे शेवटचे शब्द या भीषण अपघाताच्या भीषणतेची जाणीव करून देतात.
read also:https://ajinkyabharat.com/black-box-search-baramati-plane-crash-investigation-1-turning-point/
