एल एन पी इंग्लिश स्कूलमध्ये पारंपारिक व्यावसायिक शिक्षण – विद्यार्थ्यांना व्यवसायाचा अनुभव
मुर्तिजापूर येथील एल एन पी इंग्लिश कॉन्व्हेंट स्कूलमध्ये नर्सरी ते दहावीपर्यंतच्या विद्यार्थ्यांना शालेय शिक्षणाबरोबरच व्यावसायिक शिक्षण देखील दिले जाते. दरवर्षी दिवाळीच्या मुहूर्तावर विद्यार्थ्यांकडून नैसर्गिक सुगंधित उठणे तयार करून अल्प दरात विक्रीसाठी उपलब्ध केली जाते.
सदर उपक्रमामुळे विद्यार्थ्यांना पैशाची किंमत, उत्पादन कसे तयार केले जाते, आणि व्यवसायाची पद्धत याचा प्रत्यक्ष अनुभव मिळतो. शाळेतून तयार झालेल्या मालाचे वितरण बाजारपेठेतही केले जाते, ज्यामुळे विद्यार्थ्यांना बाजारपेठेतील व्यवहाराचे शिक्षण मिळते.नैसर्गिक सुगंधी उठणे लहान विद्यार्थ्यांच्या हातून तयार केल्यामुळे अनेक संघटना आणि स्थानिक ग्राहक यांची यावर विशेष मागणी आहे. ही मागणी आणि यशस्वी विक्री या शाळेच्या व्यवस्थापनाला व शिक्षक वर्गाला गौरवाचे आहे.शाळेचे संचालक श्रीकांत पिंजरकर, प्रशांत पिंजरकर आणि शिक्षक वर्ग यांनी विद्यार्थ्यांना व्यवसायाचा अनुभव मिळावा आणि त्यांचे कलागुण वृद्धिंगत व्हावेत यासाठी हा उपक्रम यशस्वीरीत्या राबवला आहे.
विद्यार्थ्यांचा अनुभव
विद्यार्थ्यांनी सांगितले की, “आपल्या हाताने उठणे तयार करून विकणे हा अनुभव खूप मजेशीर होता. आम्हाला पैसे मिळाले तसेच व्यवसाय कसा चालतो याची प्रत्यक्ष माहिती मिळाली. हे शिक्षण शालेय अभ्यासक्रमापेक्षा वेगळे आणि उपयोगी ठरले.”
Related News
39 संगणक परिचालकांना अद्याप कोरोना प्रोत्साहन भत्ता नाही
एल एन पी इंग्लिश स्कूलमधील हा उपक्रम विद्यार्थ्यांना केवळ शिक्षण देत नाही, तर त्यांना व्यावसायिक जगतातील अनुभव, आत्मनिर्भरता आणि कलागुण वृद्धिंगत करण्यास मदत करतो. या उपक्रमामुळे विद्यार्थ्यांमध्ये श्रमप्रतिष्ठा, जबाबदारीची जाणीव आणि व्यवसायाची समज विकसित होते.
